Prepare a súa visita

Un museo para todos

Veña ao Museo Reina Sofíaestamos preparados para atendelo sexan cales sexan as súas necesidades. Temos á súa disposición unha ampla diversidade de servizos e instalacións para axudar a persoas con dificultades sensoriais, intelectuais e motoras.Para máis información, consulte a nosa páxina de Accesibilidade.

Veña coa súa familia. No Museo Reina Sofía dispón de instalacións, espazos e actividades axeitados para vir con nenos e bebés. Pode facer uso dos cambiadores para bebés instalados nos aseos da Planta 1 e Planta 2 do Edificio Sabatini.

Ademais, pode facer unha parada na súa visita gozando dun descanso no Xardín Sabatini e as Terrazas Nouvel, ambas de acceso gratuíto para todos os nosos visitantes.

Tamén pode participar con toda a súa familia nas actividades educativas do programa Infantil e Familias. Infantil e Familias

Veña en grupo.O Museo Reina Sofía ofrece un servizo de Reservas de gruposque se pode complementar co de Visitas guiadas e de Radioguías (micrófonos e auriculares para grupos). Pode conseguilas nos mostradores de audioguías e signoguías.

Veña pola súa conta.Realice algún itinerario da colección e participe no programa de visitas guiadas A propósito de Thomas Schütte.

Veña e solicite un guía (para Centros Escolares e Grupos de Maiores).Pode complementar a súa visita facendo uso do servizo de Visitas guiadas do Museo. Se opta por facer a visita solo, ten a opción de complementar o percorrido facendo uso das nosas Audioguías e Signoguías.

Veña os luns. O Museo Reina Sofía é o único museo de Madrid que abre os luns.

Un museo en rede

Veña co seu ordenador.O Museo Reina Sofía ofrece moito máis que unha visita aos seus espazos e instalacións. Conéctese á nosa WIFI de acceso gratuito na Cafetería Nouvel e na Biblioteca e explore a nosa web. Entre outras moitas opcións pode:

- poñerse en contacto con outros usuarios e visitantes a través das comunidades do Museo en redes sociais,

- investigar no catálogo da Biblioteca e Centro de Documentación,

- escoitar os encontros con artistas,

- consultar o noso catálogo de publicacións,

- informarse na Axenda sobre as actividades do Museo,

- ademais de explorar a Coleccióne as nosas exposicións.

Un museo sostible

Veña en bicicleta.O Museo dispón de tres aparcamentos para bicicletas situados: un á entrada da Plaza Nouvel e dous a ambos lados da entrada ao Edificio Sabatini.

Veña en transporte público. O Museo Reina Sofía atópase no centro dun dos núcleos de comunicacións máis importantes de Madrid. Pode chegar en trene achegarse camiñando dende a Estación de Atocha-RENFE. Ademais, e ata fin de 2009, pode beneficiarse do desconto especial dun 50% coa promoción "Tren Arte". Tamén ten á súa disposición numerosas liñas de autobuses urbanos, ademais das liñas de Metro: Liña 1 (estación: Atocha) e Liña 3 (estación: Lavapiés).

Un museo que acolle. Durante a visita

Recollida de entradas

Os billetes de entrada recóllense nos despachos de billetes do Museo, situadas á entrada de ambos edificios, Sabatini e Nouvel.

Acceso

Os Edificios Sabatini e Nouvel constitúen a sede principal do Museo Reina Sofía, que ademais celebra exposicións noutros tres espazos complementarios: Palacio de Cristal e Palacio de Velázquez, ambos no Parque de El Retiro de Madrid, así como na sala de exposicións da Abadía do Mosteiro de Santo Domingo de Silos, Burgos (ver localización das sedes).

Grupos de escolares menores de 12 anos: accederán ao Museo pola entrada principal do Edificio Sabatini (Plaza Sánchez Bustillo)

Resto de grupos: accederán ao Museo pola Plaza Nouvel (Ronda de Atocha)

Gardarroupa e servizo de consigna: Non está permitida a entrada ao Museo con mochilas, bolsas de viaxe e maletas. Dado que a capacidade do gardarroupa é limitada, solicítase que os grupos veñan desprovistos delas. As dimensións das consignas son:

• Armarios de Nouvel: 29 x 34,5 x 42 cm
• Armarios de Sabatini: 48 x 23 x 36,5 cm

En ningún caso se poderán albergar obxectos que superen tales dimensións.

Asistencia sanitaria: o Museo dispón dun servizo de asistencia médica ao que pode acudir ante unha emerxencia. Está localizado no Edificio Sabatini, Planta 1.

Caixeiro e teléfono público: os visitantes dispoñen dun servizo de caixeiro 4B á entrada do Edificio Sabatini, na área do servizo de gardarroupa.

Atención ao visitante

O persoal de atención ao visitante conta con información sobre os servizos e espazos do Museo, ademais de posuír unha formación específica en arte contemporánea. Non dubide en dirixirse a eles para realizar calquera consulta, así como as suxestións que crea oportunas. O Museo Reina Sofía agradece a súa contribución á mellora dos nosos servizos e instalacións.

Puntos de información: o Museo dispón de puntos de información para os visitantes en todos os seus accesos. Ademais, existe un servizo de información telefónica no número 91 774 1000 Ext. 2255.

Tamén hai folletos informativos: planos de situación da colección e exposicións en distintos idiomas. Atópanse nos diversos mostradores de información e expositores distribuídos por todo o Museo. Tamén existe un catálogo da Colección á venta na tenda e a librería do Museo ao prezo de 1 €.

Durante a súa visita pode consultar as pantallas informativas distribuídas nos corredores de ambos edificios, nas que obterá información sobre a programación de todas as actividades do Museo.

Ademais, se conta cun dispositivo móbil con conexión a internet pode recibir noticias e actualizacións en directo a través da canle do Museo en Twitter http://twitter.com/museoreinasofia

Axenda: planifique a súa visita consultando a axenda de actividades que atopará na páxina de inicio da nosa web. Poderá navegar por ela e consultar as actividades programadas para o día da súa visita con tan só pinchar no calendario.

• Edificio Nouvel. Planta 0. Vestíbulo / Horario: 10:00 - 15:30 h
• Edificio Sabatini: Planta 1. Corredor da entrada / Horario: 10:00 - 21:00 h

Servizos

O Museo Nacional Centro de Arte Reina Sofía ofrece aos seus visitantes un amplo conxunto de servizos coa fin de enriquecer, complementar e facer máis grata a visita ás súas instalacións.

Biblioteca e Centro de documentación

Especializada en arte contemporánea, a Biblioteca - Centro de Documentación do Museo Nacional Centro de Arte Reina Sofía, conta cun extenso fondo de documentos de libre acceso e consulta, dirixido ao público especialmente interesado no mundo da arte contemporánea. Ademais, dá apoio aos profesionais do Museo para a realización das súas exposicións, actividades e investigacións. +info

O catálogo está informatizado e pode consultarse a través de Internet.

Dirección:
Ronda de Atocha, 2
28012 Madrid

Teléfono: 91 774 1028

Horario: de luns a venres de 10:00 a 21:00 h., excepto sábados, domingos e festivos

Librería e tenda

O Museo Reina Sofía conta coa Librería e Tenda La Central. Cun fondo de máis de 65 000 títulos, a Librería está especializada en Humanidades. A planta baixa da librería está dedicada ás actividades do museo e á artes visuais en xeral, cunha atención prioritaria á primeira metade do século XX. As outras dúas plantas cobren o resto das seccións de Humanidades e en todas elas se pon o acento no ámbito moderno, de vangarda e contemporáneo.

A tenda dispón dunha ampla oferta de produtos creativos, procedentes de todo o mundo e destinados tanto a adultos como a nenos.

Dirección:
Ronda de Atocha, 2
28012 Madrid

Teléfono: 91 787 8782

Cafetería e restaurante

O Museo conta con servizos de Cafetería, situada no Edificio Sabatini, e o Restaurante Arola, na planta baixa do Edificio Nouvel.

Restaurante-Café Museo Reina Sofía

Argumosa, 43
28012 Madrid

Horario: luns, mércores, xoves, venres e sábado de 10:00 a 21:00 h / domingo de 10:00 a 14:30 h. Martes pechado.

Comportamento nas salas

En beneficio dos demais visitantes do museo é importante manter un volume de voz moderado.

Está permitido realizar fotografías sen flash e sen trípode, excepto nos lugares así indicados.

Deben seguirse en todo momento as indicacións do persoal de vixilancia e seguridade. En caso de incumprimento das normas, pode chegar a cancelarse a visita.

Non se permite introducir no Museo bolsos, mochilas ou vultos de grande tamaño. Para iso, pode utilizar o servizo de Consignas ou Gardarroupa.

Recomendacións para a visita

Conservar o billete durante toda a visita. Pódese acceder de forma gratuíta ás Terrazas Nouvel e Xardín Sabatini, pero solicitaranlle o billete de entrada en todos os accesos ás salas de exposición.

Por respecto ao resto de visitantes, procure non utilizar o teléfono móbil e utilizar un ton de voz baixo.

Horario de máxima afluencia de público: mañás.

Despois da visita

Comparta a súa experiencia. O Museo Reina Sofía quere facilitarlle o contexto e as ferramentas para que teña un lugar de encontro no que relacionarse con outros visitantes e usuarios, crear comunidades participativas e redes asociadas á actividade do Museo. Únase ás nosas Redese contribúa coa súa opinión.

Comente e descargue as nosas fotografías da actividade diaria do Museo en Flickr onde ademais pode compartir as imaxes da súa visita e gozar vendo as doutros visitantes en "Contando o Museo Reina Sofía".

Únase á nosa comunidade en Facebook e aos seus foros de debate.Se ademais fala francés, participe no grupo para a comunidade francófona do Museo, "Museé Reina Sofía Oú Là Là".